اسلام آباد (آئی پی ایس )پاکستان میں قازقستان کے سفیر یزان کسٹافین نے تبانی گروپ آف کمپنیز کے چیئرمین حمزہ تبانی اور گروپ کے ایگزیکٹو ڈائریکٹر سے ملاقات کی۔ملاقات کے دوران، سفیر نے پاکستانی کاروباری شخصیات کو دوطرفہ تجارتی و اقتصادی تعاون کی موجودہ صورتحال، جمہوریہ قازقستان کے صدر کے اسلام آباد کے سرکاری دورے کے نتائج، بشمول قازق-پاکستان بزنس فورم، کے بارے میں آگاہ کیا۔
سفیر کسٹافن نے قازقستان میں سرمایہ کاری کے امید افزا منصوبوں، کاروباری مواقع اور اقتصادی صلاحیت، معیشت کے اہم شعبوں اور ان کے اشاریوں، ماضی اور آئندہ ہونے والی سرگرمیوں پر بھی روشنی ڈالی۔
انہوں نے تبانی گروپ آف کمپنیز کی قیادت کو قازقستان اور پاکستان میں آئندہ ہونے والی کاروباری ملاقاتوں میں فعال شرکت کی دعوت دی۔اپنی جانب سے، مسٹر حمزہ تبانی نے باہمی مفاد پر مبنی تعاون کے وسیع امکانات کو اجاگر کرتے ہوئے دونوں ممالک کے درمیان طویل مدتی تعاون کے اپنے تجربات شیئر کیے اور قریبی مستقبل میں ایک کاروباری وفد کے ہمراہ قازقستان کا دورہ کرنے کی خواہش کا اظہار کیا۔
